Скрипкашы Лананы Мәскеуде «қысық көз» деп қорлаған

Болған оқиғаға қатысты Лананың күйеуі белгілі ресейлік психолог өз парақшасында жазып өткен болатын. Енді мән-жайды толық білмей жатып, оларға кінә тағып жатқандарға Лана өзі жауап берді.

Ол өзінің парақшасында ең алдымен өзін немесе отбасын кінәләп жатқандары емес, таратылған ақпараттың өтірік екендігіне наразы екені туралы жазған.

«Жағымсыз пікірлердің лебі маған немесе отбасыма арналғаннан емес, тек өтірік таратылған ақпарат көбін «атаны ұрды» деген сөзге сендіргені қынжылтады. Онда бәрін басынан бастап айтып берейін: мен аулада балаларымды ойнатып жүргенде денелі келген ер адам менің балама ойыншықты сындырғаны үшін ескерту жасады. Бұны көрген мен лезде кешірім сұрап, ойыншықтың құнын қайтарып беруге ұсыныс жасап едім, жауап ретінде тек қорлау мен боқтықтарды ғана естідім. Соңынада әдеттегідей маған жабылып, көзімнің сығырлығына дейін тиісті. Бірақ Мәскеуде мұндай дөрекілікті жиі кездестіруге болады. Алайда егер де ол дөрекі қолында кішкентай баласы бар әйел адамға қысым көрсетсе, ары қарай шыдауға мүмкін болмайды. Құдайға шүкір мені жасы көретін және қорғайтын күйеуім бар. Басында күйеуім одан кешірім сұрауын талап еткен, бірақ ол дөрекілік танытқан соң таяқ жеді. Және айта кетерім, ол егде жастағы адам емес, менің күйеуім қатарлас, сондықтан бәрі адал болды», – деп жазған Лана.

Сонымен қатар, ол қазіргі таңда жалған ақпарат пен жағымсыз пікірлер көптеген қаралым мен лүпіл жинайтыны туралы және көзінің сығырлығына қатысты пікір білдірген.

«Қазір иа заманға сай жалған ақпарат пен жағымсыз пікірлер көптеген қаралым мен лүпіл жинайды. Және көзімнің  қысықтығы жайлы да: Мәскеу – көпұлтты қала, сондықтан көздің түрлері де көптеген, бірақ дөрекіліктің ұлттығы жоқ! Күш көрсеткеге күш табылар, сондықтан әйелдер мен балаларды қорғайтын еркектер бар ортада өмір сүргенімізді қалаймын», – деп атап өткен.

Сөз соңында қазақстандық скрипкашы өзінің отбасын тек бейбітшілікті қолдайтынын айтып, дөрекілік танытқаны үшін таяқ жесе, демек соған жеткізгенін жазды.