$ 444.22  476.38  4.82

«Төсекте жандырады» – қарағандылық 79 жастағы зейнеткер немересімен жасты жігітпен бірге тұрады

Қарағандылық зейнеткер Алина Владимировна осындай қарттығына қарамастан жап-жас жігітпен көңіл жарастырған. Күйеуі мен ұлы қайтыс болғаннан кейін әйел бірнеше рет жаңа өмір бастап көрмек болған екен. Алайда, оған үнемі маскүнемдер, жатыпішерлер және пайдакүнемдер жолыға беріпті.

Осылайша бір күні Алина Владимировна 30 жастағы жап-жас жігітті кездестіреді. Киіндіреді, жағдайын жасап, дәмді тағамдармен тамақтандырады. Зейнеткердің зейнетақысы екеуінің тәп-тәуір өмір сүруіне жетеді екен.

Көршілері әжейді немересіндей жігітпен қол ұстасып жүргенін талай рет көріп, «мұның не?» деп өзіне де айтқан екен. Оларға әжейдің берер жауабы біреу ғана: «Ол еркек, сендерде ондай еркек жоқ. Ол жас, сымбатты және төсекте жандырады», - дейтін көрінеді.

Алайда, күндердің бір күнінде бақытты әжей ауладан көрінбей кетіпті. Оның сүйіктісінің жалғыз серуендеп, дүкенге барып-келіп жүргенін көрген көршілері дереу полицияға хабарласқан. Алайда, учаскелік инспектор болса Алина Владимировнаның өзінен арыз түспегенін, олардың жеке өміріне қол сұға алмайтынын айтыпты.

Полицейдің жауабына қанағаттанбаған зейнеткерлер өздерінше зерттеу жүргізіп көрген. Олар Алина әжейдің үйіне қоңырау шалса, жігіті тұтқаны көтеріп: «Ол кісі тамақтанып жатыр», «Ол кісі ұйықтап жатыр», «Ол кісі дәрі қабылдады» деп қысқа жауап береді екен.

Бір күні шыдамдары таусылған көрші әйелдер Алина Владимировнаның үйіне басып кірмек болып, есігін ұрып, жігітінен ашуды талап етіпті. Сабырлы жігіт есікті ашқан сәтте арғы жағынан Алина әжейді көрген. «Ол сап-сау, бақытты болып көрінді», - дейді көршілері.

Содан бері көршілері 80 жастағы бақытты әйелді мазаламайды. Ол әліге дейін 30 жастағы жігітпен көңіл жарастырып, тату-тәтті өмір сүріп келеді екен.

Дереккөз: newtimes.kz

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары