«Қайрат» клубы футзалдан Қазақстан кубогының қола жүлдесін иеленді

Үшінші орын үшін ойында алматылықтар Щучье қаласында талдықорғандық «Жетісумен» ойнап, 4:2 (2:0) есебімен жеңіске жетті. 

Еске салайық, мұның алдында «Қайрат» маусымда алғаш рет жеңіліп, жеті жылда бірінші рет финалға өтпегені сенсация болды. 

Қазақстан кубогының иегері бүгін рудныйлық «Аят» пен «Ақтөбе» арасындағы матчте анықталады. 

Айта кетейік, биыл «Қайрат» Қазақстан чемпионаты аясында екі ресми ойын өткізеді. 24-25 желтоқсанда алматылықтар Рудныйда «Аятқа» қарсы ойнайды.