Нұрлы жол 16.09.2016 сағат 12:05

Созақта 280 орындық жаңа балабақша ашылды

Ел Тәуелсіздігінің 25 жылдығына орай, Созақ ауданы Шолаққорған ауылында 280 орындық «Айшуақ» бөбекжай-балабақшасы ашылып, ел игілігіне пайдалануға берілді.

Бөлісу
Бөлісу
Бөлісу

Ашылу салтанатына облыс әкімінің орынбасары Ж.Бөкенбаев пен ҚазТрансОйл» акционерлік қоғамының бас директоры Д.Досанов қатысып, тұрғындардың қуанышымен бөлісті.

«ҚазТрансОйл» акционерлік қоғамының демеушілік қаржысы есебінен салынған бөбекжайда балаларға барлық жағдай қарастырылған. Мұнда бүгінде жалпы саны 83 қызметкер жұмыспен қамтылып отыр.  

Құрылыс алаңының жалпы аумағы 3281 шаршы метрді құраса, оның ішінде 1822 шаршы метрі балабақша ғимараты, ал 1459 шаршы метрі көркейту-көгалдандыру алаңы болып отыр.

Елбасының жыл сайынғы Қазақстан халқына жолдауы мен салихалы саясатын жүзеге асыру үшін облыс пен аудан,қала әкімдерінің қолдауымен білім беру жүйесіндегі оң өзгерістерге ерекше мән беріліп келеді.

Жалпы Созақ ауданында 36 мектепке дейінгі білім беру ұйымы бар, оның он бір шағын  орталық, сегіз жеке меншік нысанда қызмет көрсетеді. Осы жылдың өзінде төрт балабақша ашылса, жыл соңына дейін үш балабақша ашылады деп күтілуде. Осылайша, балабақшамен қамтылғандар саны биыл 3530-ге жетіп, 88,8 пайызды құрады.

Айта кетейік, биыл жаңа оқу жылының қарсаңында ОҚО-да «25 жылға – 25 мектеп» акциясы өткен болатын. Облыс әкімдігінің бастамасымен ұйымдастырылған акцияда аты айтып тұрғандай, тәуелсіздіктің 25 жылдығына орай 25 мектеп салынды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар