Нұрлы жол 23.11.2016 сағат 13:47

«ХХІ ғасыр — Қазақстанның жұлдызды ғасыры»

Жастардың көп тіл білгені білім алуда пайдасын тигізеді. Бүгін Шымкентте үш тілде оқытатын №1 мамандандырылған мектеп-интернатында ел Тәуелсіздігінің 25 жылдығына орай ғылыми конференция өтті. «ХХІ ғасыр — Қазақстанның жұлдызды ғасыры» тақырыбында өткен ауқымды басқосуға Шымкенттің ғана емес, ОҚО-ның басқа да аудан-қалаларынан білікті ұстаздар қатысты.

Бөлісу
Бөлісу
Бөлісу

Тақырып біреу — оқушыларға үш тілде білім беру мәселесі. Төлебилік ұстаз Қойшыбаева Ақсәуле ғылыми-конференцияға тыңғылықты дайындалыпты. Оқушының ана тілінен бөлек орыс пен ағылшын тілін меңгеруде әдістемелік құралдар сауатты және ұтымды пайдаланылса, онда нәтиже болады дейді тәжірибелі мұғалім.

Облыста үш тілде оқытатын мамандандырылған №1 мектеп-интернаттың тәрбиеленушілері сабақ барысында әр сөзді, сөйлемді қазақ, орыс және ағылшын тілінде айтып, оны талдап үйренген. Бұл әдіс балалардың тез есте сақтау және ойлау қабілетін жетілдіреді.

Жібек Қазанғапова, 8 сынып оқушысы:

«Үш тілді де жетік білсек, емін-еркін сөйлеп, өз ойымызды жеткізе білеміз. Болашақ өмірімізде де пайдасы көп деп есептеймін».

Ана тілімен бірге орыс және ағылшын тілін бірге меңгеруде ұстаздың ролі орасан. Оқушыға дұрыс бағдар беріп, оның Шекспирдің, Пушкиннің туындыларын түпнұсқада оқуына жағдай жасау инвестиция құюмен тең деген пікірлер айтылды ғылыми конференцияда.

Айгүл Бөлекбаева, Мақтаарал ауданындағы орта мектеп мұғалімі:

«Оқушының тілдерді меңгеруге деген ынтасын қолдау бізге, педагогтарға байланысты. Сондықтан өзім білімімді жетілдіріп, қазақ, орыс, ағылшын тілдерін меңгерудемін. Қазір ізденбесең болмайды. Өйткені жаңашылдықтар көп».

Бүгінгі оқушылар — мемлекетіміздің келешегі. Олардың білімді, ой-өрісі кең болуы болашақ үшін маңызды.

Отырар-ТВ

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар