$ 444.22 € 476.38 ₽ 4.82
«Азаматтар үшін үкімет» мемлекеттік корпорациясының баспасөз қызметі Алматыдағы Халыққа қызмет көрсету орталығында ер азаматтың қайтыс болғанын растады. Марқұмның жасы 53-те болыпты деп жазады «NewTimes.kz».
«16 қаңтар күні Алматының Алатау аудандық Халыққа қызмет көрсету орталығында 1964 жылы туған азаматтың қайтыс болғанын қайғыра хабарлаймыз», — делінген аталған корпорация таратқан хабарламада.
Анықталғандай, бүгін таңертеңгі сағат 09:30 шамасында ер азамат ХҚКО-ға мекен-жайы бойынша тіркеуге тұруға келіпті. Оның жанында әйелі болған.
«Ол кезде ХҚКО-да кезек көп болмаған. Кезектің электронды талонын алып үлгермей жатып 09:42-де ер азамат өзін нашар сезініп, нәтижесінде орталықтағы медициналық қызмет өкілдері оған жәрдем берген. Алайда, жедел жәрдем станциясы келгенше ол қайтыс болды», — дейді мамандар.
