$ 444.22 € 476.38 ₽ 4.82
Шымкентте жолаушыларға лық толы Газель мен автобус соғысты. Жол апаты кеше кешкі сағат 19:00 шамасында орын алған деп жазады Otyrar.kz.
Тәуке хан даңғылы мен Аймауытов көшесінің қиылысында №93 бағытта жүрген автобус пен №77 бағыттың шағын автобусы соқтығысқан. Куәгерлердің айтуынша, екеуінің ішінде адам лық толы болған.
Портал тілшілерінің мәліметінше, оқиға орнынан 7 бірдей адамды жедел жәрдем қызметі алып кеткен. Дегенмен, жарақат алғандар саны әлдеқайда көп дейді олар. Көліктер соқтығысқанда адамдар терезесінен ұшып кеткені де белгілі болып отыр. Оқиғаның мән-жайын қазір полиция қызметкерлері анықтауда.
