Қоғам 27.02.2017 сағат 10:25

ОҚО-да көмір түтінінен 3 қыз уланып, бірі қайтыс болды

Оңтүстік Қазақстан облысында көмірдің түтінінен үш қыз уланып, олардың бірі қайтыс болды деп жазады Otyrar.kz. Улану деректері Сарыағаш және Сайрам аудандарында орын алған.

Бөлісу
Бөлісу
Бөлісу

Сағат таңғы 7:30 шамасында Сарыағаш ауданының Таскент ауылында жас ана 1 айлық қызын пештің қасына жатқызып, өзі жарты сағатқа далаға шығып кеткен. Үйге қайта келгенде ол қызының ес-түссіз жатқанын көріпті. Дереу жедел жәрдем шақырғанымен сәбидің өмірін аман алып қалу мүмкін болмады.

Ал, Сайрам ауданына қарасты Ақсукент ауылында кішкентай екі қызын шомылдырмақ болған ана қыздарымен бірге ауруханадан бір-ақ шықты. Ваннаға су толтырып, балаларды ішіне отырғызып шомылдырып жатқанда әйелдің жүрегі айнып, басы ауырған. Таза ауа жұту үшін ол далаға шығып, бірнеше минуттан кейін қайта үйге кіргенде қыздарының ес-түссіз суда жатқанын көріпті. Жедел келген дәрігерлер олардың өміріне араша түсе алды. Қазір кішкентайлар ауруханада, анасы болса тексеруден кейін үйіне жіберіліпті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар