Руслан Берденов: Депутат – әулие емес, ол да қателіктер жасауы мүмкін

Руслан Берденов - депутат, бұрынғы кәсіпкер. Депутат болғалы бизнесін серіктестеріне сеніп тапсырған. Партияластары Русланды «Бэтман» бейнелеп, шағын ролик жасапты. Бұл кімнің идеясы? Бұл туралы ол Qasqa Jol Youtube арнасына берген сұхбатында айтты, деп хабарлайды Skifnews.kz ақпарат порталы. 

Депутаттың айтуынша, оның «Бэтман» кейпіндегі ролик партияның PR мамандарының жасағаны. 

«Қазақстанда өкінішке қарай,  депутаттарды әулиедей көреді. Депутат - ол адам. Кей кезде адамдар жай асханалардан тамақ ішсек «асхадан іше ме»? Кейде жаяу бара салсақ, «жаяу жүре ме» деп ойлайды. Осылайша, дұрыс емес ой қалыптасқан сияқты. Бұл да алдыңғы депутатардың қалдырып кеткен ізі шығар. «Депутат тек шопырмен жүретін, өзінің көлігі бар оның тұратын жері басқа, халық арасында жүрмейді, халықтың проблемасын түсінбейді» деген ұғым қалыптасқан сияқты. Депутат та қарапай адам, оны бөлудің қажеті жоқ. Ол да қателік жасай алады. Оның да адами қателіктері болуы мүмкін», - дейді Руслан Берденов.