$ 444.22 € 476.38 ₽ 4.82
Астанада Қала күні мерекесін тойлау жас жұбайлардың некесін қию рәсімімен тұспа-тұс келді. Қала күні қарсаңында жас жұбайлардың некелерін қию рәсімі жыл сайынғы дәстүр бойынша өтті деп жазады Астана қаласы әкімдігінің медиа-орталығы.
Халық арасында, әсіресе, жас жұбайлардың арасында кеңінен таралып кеткен бұл игі дәстүрге биыл 10 жыл.
Осы жылы неке қию салтанатына 38 жұп қатысты, олардың жас мөлшері 18-ден 40-қа дейін. Шара аясында жас жұбайлар арасында сыйлықтар мен жүлделер ойнатылды. Бас жүлде – Түркия мен Бурабайға жолдама және теледидар. Рәсім аспанға шарларды жіберумен, той вальсін билеумен және тәтті торттан дәм татумен жалғасын тапты.
Мерейтойлық неке қию рәсімі ЭКСПО-2017 көрмесінің өткізілуімен тұспа тұс келді. Осыған орай, «Астана ЭКСПО-2017» компаниясы шараның өтуіне қолдау білдіріп, көрме аумағында жас жұбайлар үшін фотосессия ұйымдастырды.
- Егер де, бұған дейін әр жұп жеке салтанатты қаласа, бүгінде бұл жерде неке қию салтанаты бәрі үшін өтеді. Көздері бақытқа толы 40 қалыңдық той көйлегін киіп, күйеу жігіттердің қолынан алып, болашаққа қадам басқанын еш жерден көре алмайсың. Бұл шынымен өте әдемі, әсерлі. 10 жыл бұрын неке қиятын әр жұпқа рәсімнің қалай өтетінін түсіндіру қажет болса, бүгінде бұл қажеттіліктің керегі жоқ. Бір күнде, қала күні мерекесі қарсаңында екі жұптың неке қию рәсімі халық арасында да кеңінен танымал, - деді Астана қаласы Кәсіпкерлік және өнеркәсіп басқармасы басшысының орынбасары Рыскүл Қауғабаева.
