$ 443.85 € 474.3 ₽ 4.8
Павлодар облысы әкімінің бірінші орынбасары Дүйсенбай Тұрғанбаевты белгісіз біреулер тонап кетті деп жазады Tengrinews.kz. Қаскөйлер оның қымбат велосипедін қолды қылған.
Көпқабатты үй тұрғындарының айтуынша, өткен аптада екі велосипед ұрланған. Екі велосипед те лифт алдында тұрған екен. Ұрының жалғыз болмағаны анық. Әкімнің орынбасары тұрып жатқан көпқабатты үйдің кіреберісінде күзет, жан-жағына камера қойылған. Дегенмен бұл ұрыларды тоқтата алмаған.
Дүйсенбай Тұрғановтың өзі әкімдіктің баспасөз қызметі арқылы ұрлық дерегін растады және полицияға арызданғанын да жеткізді. Ал аймақтық ІІД тергеу амалдары туралы ештеңе айтып бере алмады.
Полицейлердің хабарлауынша, қазір күдіктілерді іздеу жұмыстары жүргізіліп жатыр. Олар ұсталып, қылмыстары дәлелденген жағдайда 3 жылдан 7 жылға дейінгі мерзімге сотталуы мүмкін.
