БҚО-да 5 баланың анасы асылып қайтыс болды

Батыс Қазақстан облысының Қазталов ауданы Жалпақтал ауылында 1979 жылғы көпбалалы әйел өз үйінде асылып қалған, деп жазады «ҚазАқпарат».

Жалпақтал полиция бөлімінен түскен мәліметке қарағанда, оқиға 4 тамыз күні орын алған. Марқұмның денесінде ешқандай жарақат жоқ дейді полицейлер.

Әйелдің соңында бес бірдей бала жетім қалды. Қазіргі кезде осы оқиғаға байланысты тергеу амалдары жүргізілуде. Айта кетейік, Қазталов ауданының Жалпақтал аумағында биыл жыл басынан бері осындай үш оқиға тіркеліп отыр.