Алматыда «Мүмкіндігіміз шексіз» атты ерекше фотокөрме өтуде

Фотокөрмеде мүгедектігі бар адамдардың және олардың таланттары мен жұмысын, өмірге деген қызығушылығын, мәдени және спорттық іс-шараларға қатысуын көрсететін 40 еңбек қойылған.

Бұл жоба қоғамға ерекше қажеттіліктері бар адамдарды интеграциялау мәселесіне қоғам назарын аудару және олар үшін қажетті қалалық инфрақұрылым құру үшін құрылған. Ал биылғы шара 3 желтоқсанда атап өтілетін Халықаралық мүгедектер күніне арналған. Бұл күні 1992 жылы БҰҰ Бас Ассамблеясы мүгедектігі бар адамдардың  проблемаларына назар аударту және олардың өмірдің барлық салаларына толық қатысуы үшін ұйымдастырылып отыр.

Көрменің ашылуына фотографтар, ҮЕҰ өкілдері, сондай-ақ мүгедектердің құқықтарын қорғау жөніндегі аудандық қоғамдар қатысты. Іс-шараны Алматы қаласының Әлеуметтік бағдарламалар және жұмыспен қамту басқармасы бастығының орынбасары Мейіржан Батырбекұлы мен Алматы қалалық мүгедектер қоғамы төрағасының орынбасары Ұлан Аскербекұлы ашты.

-Фотокөрме «Мүмкіндігіміз шексіз» деп бекер аталмаған. Ең алдымен мүгедектігі бар адамдар жарқын өмір сүруге, спортпен шұғылдануға, таланттарын жүзеге асыруға және өз армандарын жүзеге асыруға шабыттандырады. Мысалы, мүгедектік білім алуға кедергі болмайды. Мен еуропалық университеттен магистр дәрежесін алдым және инклюзивті білім беру мәселелерін шешуге және қоғамның толық өмірінде мүгедектерді тартуға Қазақстанға оралдым. Менің фотокөрме мен кейіпкерлерім ерекше қажеттіліктері бар барлық адамдарға мотивация жасайтынына үміттенемін, - дейді жоба жетекшісі Мадина Қарсақпаева.

Оның айтуынша, бүгінде республикада 650 мыңнан астам мүгедек бар.

-Мүмкіндіктері шектеулі адамдар - қажетті инфрақұрылымның жетіспеушілігінен стереотиптер мен проблемаларға қарамастан, өмір сүріп, жұмыс істеп, дамып келе жатқанын көрсету маңызды. Сондықтан да біз осы жобаны қолға алып, дәстүрге айналдырғымыз келеді, - дейді ұйымдастырушылар.

Аталмыш шараны Алматы қаласының Мүгедектер қауымдастығы ұйымдастырып отыр. Ұйымның ең соңғы жобаларының бірі мүгедектерге қол жетімділігі үшін қаланың барлық әлеуметтік маңызы бар нысандарының мониторингі екен.

Айта кетейік, «Мүмкіндігіміз шексіз» фотокөрмесі 17-29 қараша аралығында жалғасатын болады.

Ақбота Мұсабекқызы