$ 451.77  485.97  5.07

Алматы тұрғындарының өмір сүру ұзақтығы 5,5 жылға өсіп, 75 жасты құраған

Елімізде қаражаттың ең көп құйылатын екі саласы болса, олардың бірі – білім беру, екіншісі – денсаулық сақтау салалары екені мәлім. Экономиканың өзге секторларына (ауыл шаруашылығы, өнеркәсіп, тау-кен және т.б.) құйылған қаражаттан қайтарым болады. Ал, денсаулық сақтау саласына құйылған қаражат тек дені сау, еңбекке жарамды ұрпақтың кепілі.

Сондықтан да болар, Мемлекет басшысы жыл сайынғы жолдауларында дәл осы медицина саласын дамытуды үкіметке ерекше тапсырады. Сондай-ақ, әр кезеңде денсаулық сақтауды дамытуға бағытталған мемлекеттік бағдарламалар әзірленіп, ол халықтың игілігі үшін жұмыс істеп келеді.

Осы аталған бағдарламалардың бәрінің мақсаты бір екені белгілі, ол – халықтың денінің саулығы, өмір сүру ұзақтығы. Қазақстан әлемдегі дамыған 30 елдің қатарына енуі үшін халқының орташа өмір жасы 75 жылдан кем болмауы керек. Ал, қазір республика тұрғысынан келгенде біз әлі бұл көрсеткішке жеткен жоқпыз. Сондықтан, Денсаулық сақтау министрлігіне, оның құрылымдарына, үкіметтің өзіне көп еңбектену керек.

Десе де, еліміздің кей өңірлерінде медицина саласы жаңа деңгейге шығып, дамуды бастан кешіріп жатыр. Солардың бірі Алматы қаласының денсаулық сақтау саласы. Күні кеше аталған басқармаға жаңа басшы тағайындалып, қаланың дәрігерлері және журналистер алдында есеп берді. Серікбол Мусиновтың айтуынша, Алматы тұрғындарының орташа өмір сүру жас ұзақтығы соңғы 10 жылда 5,5 жылға өсіп, 75 жасты құрапты. Басқарма басшысы сондай-ақ, биылғы жетістіктерге де тоқталды.

Жаңа басшы көз жүгірткен жетістік­терге біз де құлақ түріп көрсек, Алматының денсаулық сақтау саласында оң өзгерістер көп көрінді. Ең бастысы туу көрсет­кіші көбейіп, ана мен бала өлімінің  көр­сеткіші  төмендеген. Туберку­лез ау­руына шалдыққандар саны азайып, осы аурудың салдарынан болатын өлім-жітім көрсеткіші 36 па­йызға төмендепті.  Денсаулық сақтау саласына бөлінетін қаражат көлемі соңғы он жылда 5 есеге артып, ол 19,5 миллиард теңгеден қазіргі  кезде 99,5 миллиардқа жетіп отыр.

Алматы қаласында бір адам­ның денсаулығын жақсар­туға жұм­салатын шығын 17081 теңгеден 55 мың теңгеге жетіпті.  Денсаулық­ты жақсартуға деген оң көзқарас, қала тұрғындарының салауатты өмір салтын ұстануына қажетті барлық жағдайлар қарас­тырылуы­ның нәтижесінде тұрғын­дардың өмір сүру жасы 5,5 жасқа ұлғайып, ол қазір 75  жасты құрап отыр.

Алматы қаласы Орта Азия және Қазақстан бойынша  Дүние­жүзілік Денсаулық сақтау ұйымы­ның  «Саламатты қала» жобасына енге­нін де Серікбол Мусинов мақта­нышпен айтып өтті. Меди­циналық туризмді дамыту қарқын­ды жүр­гізілуде. Халыққа стацио­нарлық және басқа да медициналық көмек көрсетуде жекеменшік медицина мекемелерінің үлесі артып келеді. Жеке инвестиция есебінен емхана, ЭКО орталығы құрылды.  Қазіргі кезде Алматы қалалық Денсаулық сақтау басқар­масына қарасты емханалар мен ауруханаларда МӘМС жүйесі бойынша жүйелі жұмыстар атқа­рылуда. Бүгінгі күнге дейін қала емханаларына 1 миллион 800 адам тіркеліп, өз мәртебелерін анықтап үлгерген. Жаңа басшы Алматының жаңа емдеу нысандарын салу,  күр­делі жөндеуді қажет ететін меке­мелердің  күрделі жөндеуден өткі­зі­­луін де жақсы бағалап өтті. Же­дел жәрдем көліктерінің жаңар­тылып, бұл сала жұмы­сының жаңаша ұйымдастырылуы, қала­дағы ең ірі ауруханалардың бірі — №4 қалалық клиникалық ауруха­наның қабылдау бөлімінің науқас­тарға кешенді көмек көрсететін  «Emer­gency romm»  жүйесіне көшуі де Алматының денсаулық сақтау сақтау саласындағы үлкен жаңа­лық­тардың бірі екендігін атай келіп,  басқарманың жаңа басшысы осы жетістіктерді одан ары қарай  арттырып,  келер жылы да осы қар­қында жұмыс істеуге әріптестерін шақырып, Алматының ақ желеңді абзал жандарын Тұңғыш Прези­дент күні мерекесімен құттықтады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары