Қоғам 22.01.2018 сағат 04:13

Астана іргесіндегі елдімекендерге автобустар қатынауын тоқтатты

Ауа райының қолайсыздығына байланысты қала маңына қатынайтын автобус бағдарларының қозғалысы уақытша тоқтатылды деп хабарлайды Астана әкімдігінің ресми сайты «Астана LRT» ЖШС-не сілтеме жасап.

«Ауа райының қолайсыздығына байланысты Астана қаласының маңындағы елді мекендерге қатынайтын автобус бағдарларының қозғалысы уақытша тоқтатылды. Қоғамдық көлік бағдарларының қозғалысы жаңартылған кезде, халық міндетті түрде ақпараттандырылатын болады», - делінген «Астана LRT» ЖШС-нің хабарламасында.

Қала маңына қатынайтын барлық автобус бағдарларының тоқтатылғандығы «Қазавтожол» РМК-нің ахуал орталығында түсіндірілді.

«Құрметті қоғамдық көліктің жолаушылары!

Дизельдік отындағы көліктер мен қоғамдық көліктер үшін Астанадан барлық бағыттардағы жолдарда қозғалысқа шектеу қойылды. Осыған орай, ауа райының аязды болуы себебімен қала маңына қатынайтын барлық автобус бағдарларының қозғалысы уақытша тоқтатылғандығын хабарлаймыз. Аталмыш бағдарлар қозғалысының жаңартылғындығы жөнінде кейін хабарлайтын боламыз», - деп жазылған таратылған ақпаратта.

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар