$ 448.56 € 478.03 ₽ 4.79
Ақтөбе облысы Ырғыз ауданында автобус өртінен қайтыс болған 52 өзбек азаматын туған-туыстары жер қойнына тапсырды. Жергілікті БАҚ өкілдері олардың көзі тірісінде түскен суреттерін әлеуметтік желілердегі парақшаларынан алып жариялауда.
Еске салайық, оқиға 18 қаңтар күні таңертең 10:30 шамасында болған. Автобус салонында от тұтанып, ыдыста болған жанармай лап беріпті. Ішіндегі жолаушылар сыртқа шығып үлгере алмай, 57 адамның 52-сі тірідей жанып кеткен.
Ал, аман қалған 5 адамның үшеуі Қазақстан азаматтары. Олар автобустың жүргізушілері. Қалған екеуі өзбек азаматтары, олар автобустың алдыңғы бөлігінде болғандықтан сыртқа шығып үлгерген көрінеді.
