«Ол интернетте өлім ойынын ойнайтын...» Қарағандыда 13 жасар қыз құпия жағдайда асылып өлді

13 жасар оқушы қыздың асылып қалған денесі өз үйінен табылған. Алдын ала болжам бойынша, ол интернет арқылы «Өлім ойынын» ойнаған деп жазады «NewTimes.kz».

«3 ақпан күні Қарағандыдағы №23 мектептің оқушысы өзінің пәтерінде асылып қалған», — дейді қара жамылған отбасының таныстары. Олардың айтуынша, кішкентай қыз суицидке апаратын интернет ойынының құрбаны болған көрінеді.

«Қыз асылып қалған. Ата-анасы бұл сәтте үйде болған екен. Қазір полиция істің мән-жайын анықтап жатыр. Қыз "Қызыл үкі" деген ойын ойнаған. Оны бұл ойынды ойнауға сол 23-мектептің баласы үйретіпті, жоғарғы сыныпта оқиды. Қазір оны полиция ұстады. Әлі қаншама оқушының өлім ойынын ойнап жүргенін білмейміз», — дейді сұхбат берген әйел.

Әзірге ішкі істер органдары болған жайтқа байланысты ешқандай мәлімет бере алмай отыр. №23 мектептің директоры да орнында болмай шықты.