$ 464.72  496.32  5.4

ОҚО-да жас жігіт кішкентай екі баланы талдырып, үйін тонап кеткен

Оңтүстік Қазақстан облысының Ордабасы ауданында қарақшылық шабуыл жасады деген күдікпен жас жігіт қолға түсті. Ол жергілікті тұрғынның үйінен алтын және бағалы дүниелерін қолды еткен.

Күдікті үйге баса көктеп кіргенде үйде 6 және 12 жасар екі баланың бар екенін көрген және екеуін де қылқындырып талдырып тастаған. Кейін аяқ-қолдарын байлап, өзі бөлмелерден алтын бұйымдарын іздепті. Жәбірленген отбасыға келтірілген материалдық шығын көлемі жарты миллион теңгені құрайды.

Ордабасы АІІБ қызметкерлерінің жедел-іздестіру іс-шараларының нәтижесінде жергілікті жердің 20-25 жас шамасындағы тұрғыны анықталып, ұсталды.

Аталған жайт негізінде қарақшылық жайты бойынша сотқа дейінгі тергеп-тексеру бірыңғай тізіліміне тіркелді. Бірнеше сараптамалар тағайындалды. Сотқа дейінгі тергеп-тексеру жұмыстары жүргізілуде.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары