«Сендерді қашанғы аңдып жүремін?» Желі қолданушысы жерге темекі тұқылын тастаған полицейге ұрысып тастады (ВИДЕО)

Полиция қызметкері өзін бейнекамераға түсіріп жатқанын байқап, жерге тастаған темекі тұқылын қайта жинап алды. Аталған сәт түсірілген видеоны Әділетті Адай атты Facebook қолданушысы желіге жүктеген.

Полиция автокөлігінің мемлекеттік номеріне қарап, оқиғаның Батыс Қазақстан облысында болғанын білуге болады. Видео авторы қызметтік көлік жанында шашылып жатқан темекі тұқылын, кейін көліктің салонында отқан полиция қызметкерін камераға түсіре бастағанда, погонды азамат дереу көліктен түсіп, өзі тастаған қоқысты жинап алады. Ал, видеоға түсірген азамат оған: «Қашанғы айтамын, қашанғы аңдып жүремін сендерді» деп, ұрыса жөнеледі. Соған қарағанда, мұндай жайт бұған дейін де қайталанып отырған.