Автобус жүргізіп келе жатып телефонмен ойнаған тараздық жүргізуші жолаушылардың ашуына тиді (ВИДЕО)

Таразда автобус жүргізушісі көлік басқарып келе жатып телефонмен ойын ойнаған. Қоғамдық көлікке мінерде өмірін аманаттайтын адамның бұл қылығы жолаушылардың шамына тиді.

Видео Instagram-парақшасындағы zhest_kz тобында жарияланды. Онда автор «Тараз қаласы. №38 маршрут. Нарды ойыны маңызды ма сонда?», – деп жазба қалдырған.

Кадрды көрген желі қолданушылары жүргізушіні тауып, қатаң жазалауды сұрап отыр!

Көлік тізгінінде отырып телефон пайдаланған жүргізушіге ҚР әкімшілік құқық бұзушылық кодексінің 591 бабы 1 тармағы бойынша 5 АЕК (12 000 теңге) көлемінде айыппұл салынады.