Шымкенттіктер Төреғали Төреәліге ақбоз ат мінгізді (ВИДЕО)
Шымкентке концерт қоюға барған танымал әнші Төреғали Төреәлі ақбоз ат мініп қайтты. Қуанышы қойнына сыймаған ол қуанышты хабарын өзінің Instagram-парақшасы арқылы таратты.
«Айналайын Шымкентім-ай, десеңші! Ақбозат мінгізіп жатқан, мақтадай әппақ көңілдеріңізден айналайын! Мамыражай мамыр айы құтты берекелі болсын ағайын!!!», - деп жазды әнші әлеуметтік желіге.
Желі қолданушылары болса ақ тұлпар мінген Төреғали Төреәліге өз құттықтауларын айтуда. Шымкент өңіріне әнші 1 мамыр мерекесіне орай жеке концертін беруге барған болатын.
Еске салайық, өткен жылы Павлодарға барып концерт берген Төреғали Төреәлі сахнада тұрып, жасы егде тартқан көрермендердің бірін балағаттаған болатын. Мұнан кейін тыңдармандарының көпшілігі одан теріс айналған. Тіпті, кейбір отандық радиолар да әншінің әндерін эфирден алдырып тастады. Ал, Павлодар облысының басшылығы болса бұдан былай Төреғалиды концерттерге шақырмайтынын мәлімдеді.
Сіздің реакцияңыз?
Серіктес жаңалықтары
