Алматы қаласы Әуезов ауданы әкім аппаратының тілдерді дамыту және мәдениет бөлімінің басшысы Бекжан Қуанышевтың қатысуымен Алматы қаласы Орталықтандырылған кітапхана жүйесі Қазақстан жазушылары кітапханасында «Жаңа әлемдегі жаңғырған Қазақстан» атты «дөңгелек үстел» өтті.
Аталмыш іс-шараға жазушы, профессор, филология ғылымдарының докторы, М. Әуезов атындағы Әдебиет және өнер институты қазіргі қазақ әдебиеті бөлімінің меңгерушісі Нұрдаулет Ақыш, Алматы қаласының Орталықтандырылған кітапхана жүйесінің директоры Роза Кабиева, Алматы қаласының «Рухани жаңғыру» жобалық офисінің өкілі Гүлсім Сапақова, № 2 Алматы мемлекеттік гуманитарлық-педогогикалық колледжінің, Қазақ-қытай колледжінің оқушылары және кітапхана оқырмандары қатысты.
Роза Кабиева Роза Кабиева кіріспе сөзінде қоғамның рухани жаңғыруына кітапхалардың қосар үлесі мәселесіне тоқталса, Гүлсім Сапақова жаңа мәдени құндылықтарды қалыптастыруда кітапханлардың атқаратын рөлін атап айтты. Бекжан Қуанышев Орынбайұлы Елбасының қоғамдық сананы жаңғыртуға қатысты ұсынған жобаларының маңыздылығына назар аударды.
Қазақстан Жазушылар одағының басқарма төрағасының орынбасары, филология ғылымдарының докторы, профессор Бауыржан Жақып «Рухани жаңғыру: қазақ әдебиетін шетел оқырмандарына танытудың кейбір мәселелері» баяндамасында қазақ әдебиеттін дамыту, мәдени жауһарларды әлемге танытудын тенденциясына қатысты ойларымен бөлісті.
Әрі қарай Алматы көпсалалы колледжінің оқу ісінің меңгерушісі Жаңыл Нүсіпжанова «Рухани жаңғыру» бағдарламасы және сапалық деңгейде білім беру» тақырыбында, Халықаралық «Жаңашыр» қоғамдық қорының президенті Жаңыл Апетова, этногроф Данияр Алгозов қоғамда ұлттық кодты сақтай отырып, заманауи әлемнің құндылықтарына азаматтардың ашық болуын танытатын рухани жаңғыру қажеттілігін, «Заманауи Қазақстанды өз қолымен, күшімен және талантымен жасап отырған адамдардың нақты бейнесін қоғамға көрсетуге» қатысты өз ойларын ашық айтты.
«Жаңа әлемдегі жаңғырған Қазақстан» атты кітап көрмесіне Қазақстан жазушылары кітапханасының меңгерушісі Елена Ағайса библиографиялық шолу жасап, қатысушыларға алғыс білдірді. «Дөңгелек үстел» жұмысының нәтижесі бойынша ұсыныстар жасалды. Кеш соңында дәстүрлі әнші Саян Бөдесов ән шашу тарту етті.