Қоғам 22.05.2018 сағат 10:10

Астанадағы дауыл тағы да қайталанады

Астана әкімдігі қала тұрғындарын 23 мамырда дауылдың қайталанатыны туралы ескертті  деп хабарлайды қала әкімдігінің сайты. 

Бөлісу
Бөлісу
Бөлісу

23 мамырда Астана аумағында солтүстік-батыстан соққан желдің жылдамдығы 25 метрге дейін күшеюіне байланысты (нормадан екі есе асып отыр) дауыл туралы ескерту жасалды. 

"Күндіз жаңбыр, кей жерлерде жел күшейеді. Ауа райының қолайсыздығына байланыстиы ведомство мамандары тұрғындарды сақ болуға шақырады. Қатты жел кезінде үйдегі терезелердің бәрін нықтап жабу керек. Терезесі жоқ балкондардан сыртқа құлауы мүмкін барлық затты алып тастау қажет", - делінген хабарламада. 

Қатты жел кезінде далада болып қалсаңыз жарнама бағаналары мен өзге де конструкциялардан, электр желісі мен ағаштардан ары болу керек. Қайғылы оқиғадан сақтану үшін барынша сақ болу қажет. Сонымен қатар, үзілген сымдар мен сыңған ағаштарға да жолауға болмайды, өйткені олар құлауы мүмкін. 

Қатты жел кезінде ол басылғанша жақын маңдағы ғимаратқа (дүкен, кітапхана, кинотеатр, үйдің кіре берісі болуы мүмкін) немесе ық жерге тығылу қажет. 

Сонымен қатар, мамандар биік ағаштар, әсіресе, теректер маңында жүрмеуге және олардың астына көлік қоймауға шақырады. сонымен қатар, шіріген немесе жалғыз тұрған ағаштар да қауіпті. 

Астанада бүгін сағат 14.30-ға дейін 13 адам дәрігерлер көмегіне жүгінген.

Дереккөз: Tengrinews.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар