$ 444.32 € 473.33 ₽ 4.76
Степногорск қаласында Ленин атындағы мектепке Абай Құнанбайұлының есімі берілген. Ал, оқу ордасының ауласында тұрған ескерткіш-бюст коммунистердің көсемі Владимир Ильич Лениннен аумайды.
Осынау жайтты Facebook қолданушыларының бірі видеокамераға түсіріп, әлеуметтік желілер арқылы таратуда. Видео авторының айтуынша, бұл Степногорск қаласындағы №5 мектеп. Дегенмен, желі қолданушылары Абайға айналған Лениннің №6 мектептің алдында тұрғанын жарыса жазуда.
Бір қарағанда аталған ескерткіш расымен де ұлы Абайға ұқсайды. Алайда, мұқият көз салсаңыз оның Владимир Ильич екенін танымау мүмкін емес.
