Шымкенттік тойда дастарханға 59 миллион теңгенің тортын қойған кәсіпкер облыс әкімінен марапат алды (ВИДЕО)

Қазақстандық қалталы азаматтардың елулігіне енген шымкенттік олигарх Серікжан Сейтжановтың ұлы Бауыржан Сейтжанов ОҚО басшысы Жансейіт Түймебаевтың марапат қағазына ие болды.

Бүгін Шымкент қалалық мәслихат депутаттарының бір ауыздан мақұлдауымен шаһардың мегаполис қала мәртебесін алу құжатына қол қойылды.

Маңызды басқосуға қатысқан облыс әкімі Жансейіт Түймебаев тұрғындарды құттықтап, қаланың әлеуметік-экономикалық дамуына сүбелі үлес қосқаны үшін бірқатар азаматқа марапат табыс етті. Қалалық мәслихат депутаты Бауыржан Сейтжанов грамотаға осы бір еңбегі үшін ие болды.

Естеріңізге сала кетсек, өткен жылдың қарашасында Шымкентте өткен үйлен тойы елдің қызу талқысына түскен болатын.  

Басты себеп – жас жұбайларға сыйлық ретінде жасалынған алып торт. Зәулім сарай пішініндегі торттың салмағы – 2 тонна.

Дүркіреп өткен шымкенттік тойда қонақтарға ұсынылған торттың құны Гарри ханзаданың тойындағы тортты шаң қаптырғаны белгілі.

Ол 179 мың доллар тұратыны айтылды. Көпке дейін ел аузында жүрген бұл үйлену тойындағы күйеу жігіт – депутат Бауыржан Сейтжановтың ұлы.