Жолаушы «SCAT» әуекомпаниясы ұшағының босап қалған терезелерін көріп шошыды (ВИДЕО)

Астана-Тараз бағытына «SCAT» әуекомпаниясымен ұшқан жолаушы ұшақтың босап қалған ішкі терезелерін көріп шошыды. Осынау видеоны ол Instagram әлеуметтік желісіне жүктеген.

Айтуынша, ұшақ әуеде 2:30 сағат бойы ұшқан. Жерге қонғанша жанын шүберекке түйіп отырыпты.

Видеода ұшақтың ішкі терезесінің бос, әрі ескіріп кеткені көрсетілген.

«SCAT» әуекомпаниясы. Астана-Тараз бағыты. Сөзім жоқ, мына тесік ұшақта 2:30 сағат ұштық. Жерге қонғанша жол бойы барлығымыз сыйынып келдік. Мұндай ұшақтарды қалай ғана рейске жіберуге болады? Барлық жері лас, жағымсыз иіс те шығады», – деп жазады автор.

Айта кетсек, бұған дейін де «SCAT» әуекомпаниясына жолаушылардан осыған ұқсас және ұшақтың үнемі кешігіп ұшатыны туралы шағымдар түсіп келген.

Авиакомпания Скат!!! Рейс Астана - Тараз ? Слов нет, летели 2:30 еще и на этом корыте, все молча сидели молились ?? Как можно допустить такой самолет к рейсу??? Все грязное, самолет воняет в прямом смысле? Примите меры @scat.airlines

Публикация от ?Женская одежда от Аяжан? (@ayazhan_fashion_astana) 15 Июн 2018 в 12:21 PDT