Қоғам 28.08.2015 сағат 03:42

Астаналық жезөкшелер билікке талап қойып отыр

Астаналық жезөкшелер үкіметке өтініш жасады. Қыздар шенеуніктерден кәсіптерін заңдастырып беруді талап етуде, деп хабарлайды КТК арнасы.

Бөлісу
Бөлісу
Бөлісу

Түнгі көбелектер де мемлекетке салық төлеп, қартайғанда жұрт қатарлы зейнетақы алғысы келеді екен. Қызметімізден  қазынаға табыс түсіріп тұрса, жүзіміз жарқын  және еуропадағыдай еркін еңбек етер едік дейді түнгі көбелектер.  

Астана вакзалы жезөкшелердің атақты бекеті. Сақшылар осы маңындағы түнгі тіршілікпен қанша күрескенімен, әзірге нәтиже жоқ. Полицейлер жол жағалап, жігіт іздеген түнгі көбелектерді аңдып, бүгін  тағы  шықты.

Жезөкшелерді іздеп табу аса қиын болмады. Олар алыс кетпей-ақ дәл  вокзал маңынан пәтер жалдап, жігіттерге қызмет көрсетеді екен. Өздері бұл қылықтарынан арланбайды да. Тәнін  саудасын күнкөрістің қамы деп есептейді.  Мәселен, 34 жастағы мына жесір келіншек екі баламды асырау үшін түнімен тынбай  еңбек етіп жүрмін дейді.

«Бізді біреу сатқан жоқ, біреу бізді істетіп те жатқан жоқ. Өзімізге жұмыс істейміз. Менің күйеуім қайтыс болды, соның жылын өткізу үшін келдім. Жылы болып жатыр, құрбан айтта. Содан кейін бұл жұмысты істемеймін мен», дейді бірі.

Сұранысқа қарай бұл қызмет те күн санап дамып келеді екен. Қазір қыздарды кез-келген жерге жеткізіп  беретін болыпты. Ол үшін арнайы жігіттер жұмыс істейді. Яғни, делдалдар жеке көлігімен  түнгі көбелекті тапсырыс түскен мекен-жайға жеткізіп береді.  

Жеңгетайлар мен жеңіл жүрісті қыздардың көптен бері үкіметке айта алмай жүрген назы да бар болып шықты. Оны бүгін делдал жігіттер айтты. Яғни, жезөкшелікті заңдастыру керек дейді олар. 

«Егер бұл қызметті заңдастырса, мемлекетке салық төлейміз. Мәселен, мен қызадарды тасып, бір  түнде 10 мың теңгеге дейін табыс табамын», дейді делдал.

Ал Астанадағы жезөкшелер жайлаған  көпқабатты үй  тұрғындарының ойы керісінше. Олар «түнгі көбелектерді» бұл жерден қуу үшін жылдар бойы шағым жазумен келеді. 

Ал жезөкшелікті заңдастыру мәселесі бізде оқтын-оқтын көтеріліп тұрады. Оны демографтар талай мінберден айтты. Бірақ бұл мәселе үкімет деңгейінде ешқашан қаралған емес. Сондықтан жезөкшелер мен делдал жігіттердің бүгінші өтінішінің орындала қоюы екіталай. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар