Кәрім Мәсімов алдағы бірнеше аптада теңгенің тұрақталатынын айтты

"Меніңше, біз салыстырмалы түрдегі теңдікке жақын қалдық, оған көзіміз жетіп отыр, бірнеше аптаның ішінде теңгенің долларға қатынасында, сол сияқты теңгенің долларға деген қатынасында тұрақтануды байқаймыз деп ойлаймын. Мен мұны өте маңызды деп есептеймін. Теңдікке жетсек жағдай қалпына түседі және сол кезде ұзақмерзімді болжамдар жасауға болады", - деді премьер. 

Мәсімов ұлттық валютаға өте маңызды екі факторды атады. "Бірінші фактор - мұнайдың бағасы. Екіншісі, Ресеймен бірыңғай экономикалық кеңістікте болғандықтан, - бұл рубль бағамының қуатты валюталарға деген қатынасы", - деді ол.

Мәсімов Қазақстанның Ұлттық банкінің ресейлік Орталық банкі секілді инфляциялық таргеттеу саясатына өткенін еске салды. "Ұлттық банкке айырбас бағамы емес, инфляция бойынша көрсеткіштер маңызды. Бірақ, әрине, адамдарға, барлығына айырбас бағамы өте маңызды", - деді ол.

Tengrinews.kz