Алматыда ірі жол апатынан 5 адам көз жұмды

Алматыда жол көлік оқиғасы орын алып, салдарынан 5 адам қайтыс болды деп хабарлайды Tengrinews.kz.

Облыстық ІІД баспасөз қызметінің мәліметінше, оқиға Жамбыл облысымен қиылысатын аумақтағы тас жолдардың бірінде 23 мамыр күні таңертең орын алған. Тәртіп сақшыларының айтуынша, Ford Focus мен Honda көліктері бір-бірімен соқтығысыпты. Әзірге 5 адамның қайтыс болғаны белгілі. Оқиға орнында полицейлер жұмыс істеп жатыр.

Жамбыл ауданының орталық ауруханасына ауыр халде екі адамның түскені де анықталды. Олар осы апаттан зардап шеккендер. Дәрігерлер олардың жағдайының ауыр екенін айтып отыр. Екеуі де жансақтау бөлімінде.