Қоғам 29.10.2020 сағат 17:40

Екі баланы зорлаған өгей әкені алқабилер соты ақтап алды

Ол төрт жасар қыз бен оның 9 жастағы ағасын қорлаған.
Екі баланы зорлаған өгей әкені алқабилер соты ақтап алды
фото: aikyn.kz
Бөлісу
Бөлісу
Бөлісу

Шығыс Қазақстанда алқабилер соты екі кішкентай баланы зорлағаны үшін сотталған ер адамды ақтады, – деп хабарлайды AstanaTV.

Екі баланың анасының айтуынша, өгей әке төрт жасар қыз бен оның 9 жастағы ағасын қорлаған.

Тексеру кезінде өгей әке ағасының көзінше кішкентай қызды азаптағаны анықталған. Ал 9 жастағы ұлды ұрып-соғып, иттің үйшігіне қамап қойған.

Ағалы-қарындасты екеуі бұл қорлыққа шыдай алмай, үйден қашып кеткен. Үйден кетердің алдында хатта оқиғаның мән-жайын жазып кеткен. Тергеуде зорлық-зомбылық дерегі анықталып, расталған.

Ер адам кінәсін мойындаған. Оны 16 жылға бас бостандығынан айырған. Кейін сотталушының туыстары адвокат жалдаған соң, ер адам өз кінәсін мойындаудан бас тартыпты. Апелляциялық соттағы алқабилер үшін оның дәлелдері сенімді болған. Олар ақтау үкімін шығарған.

Бұл мәселеге қатысты ШҚО сотының баспасөз қызметі «Қылмыстық іс алқабилердің қатысуымен жабық сот отырысында қаралды. Үкім заңды күшіне енген жоқ» деген ресми мәлімет таратты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар