Қоғам 07.12.2022 сағат 10:00

«Хат жолдады да, асылып қалды»: Алматыда форма киген жігіт суицид жасады (ВИДЕО)

Тәртіп сақшылары оқиға болған жерді суретке түсіріп, марқұмның денесін өздерімен бірге алып кеткен.
«Хат жолдады да, асылып қалды»: Алматыда форма киген жігіт суицид жасады (ВИДЕО)
Фото: видеодан скриншот
Бөлісу
Бөлісу
Бөлісу

Алматы қаласы Әуезов ауданының Анар есімді тұрғыны телефон соғып, үйінің ауласында бір жігіттің асылып қалғанын хабарлады, деп жазады Экспресс К.

Оқиға түскі үзіліс кезінде болған. Көппәтерлі тұрғын үйдің екінші қабатында тұратын келіншек аулаға қарайтын терезеге көз салғанда жасы 30-дар шамасындағы ер адамның ағаш бұтағында асылып тұрғанын көреді.

"Оның үстінде қаракөк түсті жұмыс формасы бар. Біздің үйге жақын маңда жұмысшылардың жолды жасап жатқанын білеміз. Асылып қалған жігіт солардың бірі болуы мүмкін", — дейді Анар.

Келіншек жұбайының бірден аулаға жүгіріп шығып, полицияға хабар бергенін айтады. Тәртіп сақшылары оқиға болған жерді суретке түсіріп, марқұмның денесін өздерімен бірге алып кеткен.

"Ол өлерінің алдында әлдекімге дыбыстық хат жолдаған болуы керек. Мүмкін, өзінің қай жерде екенін хабарлаған шығар. Себебі, біз телефон соққанымыз сол еді, аулада полиция қызметкерлері қаптап кетті", —дейді оқиға куәгері.

Алматы қалалық Полиция департаменті бұл оқиғаға қатысты әзірге түсініктеме берген жоқ.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар