$ 449.58  486.94  4.86

Петропавлда жасөспірім 16-қабаттан секіріп мерт болды

Петропавл полициясына 16 қабатты тұрғын үйлердің бірінің төбесінде қыз баланың тұрғаны туралы хабар түскен.
Фото: polisia.kz
Фото: polisia.kz

Петропавлда 15 жастағы қыз көпқабатты үйдің шатырынан секіріп мерт болды, деп хабарлайды polisia.kz.

31 мамырда сағат 15:15-те Петропавл полициясына Жамбыл көшесіндегі 16 қабатты тұрғын үйлердің бірінің төбесінде қыз баланың тұрғаны туралы хабар түскен.

Оқиға орнына бірден полицейлер барған. Жедел-тергеу тобының қызметкерлері қайтыс болған қыз баланың жеке басын анықтады.

Алдын ала болжам бойынша, 15 жастағы қала тұрғыны көпқабатты үйдің шатырынан секіріп, өзіне-өзі қол салған.

"Аталған факті ҚР Қылмыстық кодексінің 105-бабы бойынша сотқа дейінгі тергеп-тексерулердің бірыңғай тізіліміне енгізілді. Істің мән-жайын жан-жақты зерделеуге бағытталған тергеу әрекеттері жүргізіліп жатыр. Олардың нәтижелері бойынша түпкілікті процессуалдық шешім қабылданады", - делінген хабарламада.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары