Астанада 12-қабаттан құлап көз жұмған жасөспірімнің туыстары мәлімдеме жасады

Астанада көпқабатты тұрғын үйден құлап көз жұмған жасөспірімнің туыстары мәлімдеме жасады, деп хабарлайды Skifnews.kz ақпарат порталы.

Аталған мәлімдемені «НеМолчи.kz» қорының басшысы Дина Таңсәрі желідегі парақшасында жариялады.

Мен, 12-қабаттан құлап кеткен баланың әпкесі Омарбекова А.Н. бұл қайғылы жағдайдың буллинг салдарынан өзіне қол жұмсау емес, жазатайым оқиға болған деп мәлімдеймін. Егер баланың отбасынан, достарынан және сыныптастарынан сұрасаңыз, бәрі оны жақсы көргенін білуге болады, ол өте көпшіл бала еді. Мұғалімдермен де қарым-қатынасы жақсы болды. Модельдікпен айналысып, жарнама роликтеріне түскен. Оның өлімі №17 мектептегі буллингтен болған деген ақпараттар жақындарына ауыр тиіп отыр, - делінген мәлімдемеде.

Қор өкілдері мен марқұм жасөспірімнің туыстары желіде жалған ақпарат таратпауды сұрайды.

Еске салсақ, Астанада 14 жастағы жасөспірім 12-қабаттың терезесінен секіріп кеткен еді.