Өскеменде жасөспірім үйдің кіреберісіне дәрет сындырған (ВИДЕО)

. Бұзақының анасына Әкімшілік құқықбұзушылық туралы кодекстің 435, 442-бабтары бойынша 2 хаттама толтырылды.

Өскеменде полиция көпқабатты үйдің кіреберісінде дәрет сындырған жасөспірімнің ана-анасын жауапқа тартты, деп хабарлайды Skifnews.kz ақпарат порталы.

Polisia.kz-тің жазуынша, оқиға 7 қаңтар күні таңертең Лихарев көшесінде болған. Бір топ жасөспірім көпқабатты үйдің кіреберісіне кірген. Онда олардың біреуі дәрет сындырған. Жасөспірімнің заңға қайшы әрекеті бейнебақылау камерасына түсіп қалған. Содан кейін бұл видео интернетте жарияланған.

Сол күні полиция құқықбұзушының кім екенін және оның қайда тұратынын анықтады. Оның 16 жастағы жасөспірім екені белгілі болды. Бала жағалауда достарымен серуендеп жүріп, көпқабатты үйдің кіреберісіне кірген. Осылайша, заңға қайшы әрекет жасаған. Бұзақының анасына Әкімшілік құқықбұзушылық туралы кодекстің 435, 442-бабтары бойынша 2 хаттама толтырылды, – делінген хабарламада.