Ақмола облысында көкнәр тұқымын сатқан 2 адам сотталды

Ақмола облысында көкнәр тұқымын сатқаны үшін 2 тұлға сотталды, деп хабарлайды Skifnews.kz ақпарат порталы.

Облыстың қылмыстық істер жөніндегі мамандандырылған ауданаралық соты азық-түлік дүкендерінің 2 иесін апиын қабаты және кептірілген көкнәр сабанының қоспасын бар көкнәр тұқымын сатқаны үшін 10 жылға бас бостандығынан айырды.

Дүкен иелері көкнәр тұқымын Көкшетау қаласының есірткіге тәуелді тұлғаларына көкнәр тұқымын килограммына 10 мың теңгеден сатты.

Екі дүкенді тінту барысында 50-ден астам қап көкнәр, 500-ден астам химиялық сұйықтық бөтелкелері және 1 мыңнан астам медициналық шприцтер, есірткі саудасынан алынған ақша ағындары тіркелген кассалық журналдар тәркіленді.

Ақшалай есептегенде тәркіленген өнім 30 миллион теңгеден асады деп бағаланады, – делінген прокуратураның хабарламасында.  

Қылмыстық іс бойынша қатысушы прокурордың өтініші бойынша қылмыстық жолмен алынған 1 млн теңгеден астам ақша тәркіленді.

Осыған байланысты Ақмола облысының прокуратурасы азаматтарды азық-түлік көкнәрінің үлкен көлемде сату фактілері анықталғаны туралы құқық қорғау органдарына хабарлауға шақырады.