$ 475.03  517.21  5.44

Қарағандының бұрынғы әкімінің ұлы 78 жастағы анасын соққыға жыққан (ВИДЕО)

Ол 78 жастағы анасының мұрны мен бірнеше қабырғасын сындырып, ішкі мүшелерін зақымдаған.

Фото: Pixabay
Фото: Pixabay

Әлеуметтік желіде Қарағандының бұрынғы әкімі, белгілі саяси және қоғам қайраткері Шәймерден Оразалиновтың әйелін өз ұлы ұрып-соққаны туралы ақпарат тарады, деп хабарлайды Skifnews.kz ақпарат порталы.

@patriotkaragandy Іnstagram-парақшасында жарияланған мәліметке сүйенсек, ол 78 жастағы анасының мұрны мен бірнеше қабырғасын сындырып, ішкі мүшелерін зақымдаған.

Таяқ жеген кейуана ұлына зиян тигізбеу үшін жедел жәрдем шақыруға қорқып, екі күн бойы үйде жатқан. Бірақ үшінші күні кейуананың ауыр халін көрген көршілері дәрігер шақырған.

Кейін әйелдің жағдайын көрген дәрігерлер полицияға хабарласып, полиция қызметкерлері өз кезегінде ұлын ұстады. Жауап алу кезінде ол проблемаларға байланысты жүйкесі жұқарғанын, сол себепті анасына ренжігенін айтты.

Қарағандының тергеу соты қазір марқұм Оразалиновтың ұлын екі айға қамауға алған.

Еске салсақ, Шаймерден Оразалинов – көрнекті саяси қайраткер. Қарағанды ​​қаласының әкімі қызметін атқарған. Кезінде Мәжілістің екінші және үшінші шақырылымдарының депутаты болды. Қарағанды ​​қаласының Құрметті азаматы. Ол 2019 жылы 30 сәуірде 77 жасында қайтыс болған.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары