18-20 жас аралығындағы жігітті пойыз 20-30 метрге жерге сүйреп кеткен.
Шымкентте жүк пойызы жас жігіт қағып кетті, деп хабарлайды Skifnews.kz ақпарат порталы.
Otyrar.kz мәлетінше, Жиделібайсын көшесінде жүк пойызы жас жігітті қағып кеткен.
Куәгерлердің сөзіне сүйенсек, 18-20 жас аралығындағы жігітті пойыз 20-30 метрге жерге сүйреп кеткен.
Көліктегі полиция департаменті аталған жағдай бойынша сотқа дейінгі тергеу жүріп жатқандығын мәлімдеді.
"Шымкент стансасындағы желілік полиция бөлімі абайсызда адам өліміне әкеп соққан жол қозғалысы немесе теміржол көлігін пайдалану қауіпсіздігі ережелерін бұзу фактісі бойынша сотқа дейінгі тергеу амалдарын жүргізуде. Қазақстан Республикасы Қылмыстық-процестік кодексінің 201-бабының талаптарына сәйкес өзге де мәліметтер тергеу мүддесі үшін жария етілуге жатпайды", - делінген ведомства ақпаратында.