Оқиғалар 15.08.2019 сағат 14:35

Павлодарда 36 жастағы әйел адам өз анасын соққыға жықты

Облыстық ПД баспасөз қызметінің хабарлауынша, бұл әйел бұған дейін қоғамдық орындарда ішімдік ішкені үшін әкімшілік жауапкершілікке тартылған.
Павлодарда 36 жастағы әйел адам өз анасын соққыға жықты
Бөлісу
Бөлісу
Бөлісу

Павлодар қаласы ПБ Оңтүстік ПБ полицейлері отбасылық жанжал шығарушы есебінде тұрған 36 жастағы қала тұрғынын тұрғылықты мекенжайы бойынша тексеру кезінде өз анасын соққыға жығу фактісін анықтады, деп хабарлайды pavlodarnews.kz. 

Облыстық ПД баспасөз қызметінің хабарлауынша, бұл әйел бұған дейін қоғамдық орындарда ішімдік ішкені үшін әкімшілік жауапкершілікке тартылған.

Аталған фактіге қатысты ҚР ӘҚБтК 73-бабы 2-бөлімі бойынша әкімшілік хаттама толтырылды және сотқа жолданды. Анасын соққыға жыққан қызына қатысты учаскелік полиция инспекторының қолдаухатымен және Павлодар қаласының мамандандырылған сотының шешімімен жүріс-тұрысына қатаң талап қойылды және 10 тәулікке қамауға алу түріндегі әкімшілік жазаға тартылды. 

7-13 тамыз аралығында Павлодар облысы аумағында өткізілген «Тұрмыс» республикалық жедел-профилактикалық шарасын (ЖПШ) өткізу барысында 766 құқықбұзушылық тіркелді. Ішкі істер органдарында есепте тұрған 3450 адам тексерілді, 706-сына қатысты қорғау ұйғарымдары шығарылды. Сот 236 адамға жүріс-тұрыстарына қатысты ерекше талап қойды. 763 тұлға әкімшілік жауапкершілікке тартылды: ҚР ӘҚБК 73-бабы бойынша 138 құқықбұзушы (қоғамдық орында ішімдік ішу, сонымен қатар ішімдікке мас күйінде жүру), ҚР ӘҚБК 440 – бабы бойынша 363 адам (қоғамдық орындарда ішу және мас күйінде болу), ҚР ӘҚБК 200-бабы бойынша 11 құқықбұзушы (ҚР ішімдік өнімдерін сату талаптарын сақтамау), ҚР ӘҚБК 127-бабы бойынша 25 адам (балаларды тәрбиелеу бойынша ата-аналармен және заңды өкілдермен міндеттерді орындамау). 

Сондай-ақ, ІІО есебіне 414 адам қойылды. Полиция қызметкерлерімен 517 қолайсыз отбасы тексеріліп, 26 отбасы есепке алынды.

Оқи отырыңыз

загрузка...

Соңғы жаңалықтар

Қызықты материалдар