Оралда үйлену тойы кезінде көшеде оқ атты (ВИДЕО)

Үйлену тойы кортежінің қатысушысы көшеде тапаншадан оқ жаудырды. Белгілі болғандай, ол салтанатты қуанышқа осылай өз қуанышын білдірді. Полиция оны ұстап, тапаншасын тәркіледі, деп жазады Орал апталығы.

Әлеуметтік желілерде жеңіл автокөлік рөліндегі жігіттің жол қиылысында шығып, тапаншадан ауаға оқ атқан бейнесі тарады. Бейнеге қарағанда, оқиға Орал қаласының 6 шағын ауданында «Орал» СОО-ға жақын жерде болған. Жас жігіттің үйлену тойы кортежіне қатысушы екені белгілі. Ол ауаға екі рет оқ атып, көлігіне отырғаннан кейін оның жанынан полиция машинасы өтеді.

Полиция департаментінің баспасөз қызметі жас жігіттің үйлену тойының кортежі Нұр көшесіне бұрылғаннан бірнеше минуттан кейін ұсталды деп хабарлайды.

«Бұл оқиға 20 қарашада орын алды. Тапанша бірден тәркіленді және сараптамаға жіберілді. Сараптама қорытындысына сәйкес, бұл сигналдық тапанша болды. Сондықтан ауыр қару болып табылмайды. Жас адамға қатысты екі материал жасалды. Бірінші ол «Бұзақылық» бабы бойынша әкімшілік жауапкершілікке тартылады. Сондай-ақ, тексеру кезінде жүргізуші құқығынан айырылса да автокөлікті басқарғаны анықталды. Осы бөлім бойынша да әкімшілік хаттама толтырылып, екі іс те әкімшілік сотқа берілді»,-деп хабарлады БҚО Полиция департаментінің баспасөз қызметі.