Оқиғалар 29.11.2019 сағат 14:45

Тас жолда екі көліктің соқтығысуынан 12 адам зардап шекті

Дәрігерлердің айтуынша, олардың бірі ауыр халде жатыр.
Тас жолда екі көліктің соқтығысуынан 12 адам зардап шекті
фото: Stan.kz
Бөлісу
Бөлісу
Бөлісу

Ақтөбе - Атырау – Астрахань тас жолында екі көлік бір-біріне соғылып қалды. Оқиға салдарынан он екі адам дәрігерлердің көмегіне жүгінді. Медициналық тексеру нәтижесінде зардап шеккен екі азамат ауруханаға жатқызылды, деп хабарлайды Sputniknews.kz.

Жол апаты 28 қарашада, түнгі сағат 23:30 шамасында Ақтөбе - Атырау – Астрахань тас жолының 743-ші километрінде болды.

"Исатай ауданы Манаш ауылы маңында Toyota Ipsum маркалы екі көлік бір-бірімен бетпе-бет соғылды. Апаттан кейін Аққыстау аудандық ауруханасына он екі адам келіп, көмек сұрады. Медициналық тексеруден кейін он адам үйіне жіберілді", - деп хабарлады "ҚазАвтожол"АҚ баспасөз қызметінің басшысы Маржан Ордабай.
Ауруханада екі адам қалды. Дәрігерлердің айтуынша, олардың бірі ауыр халде жатыр.

Полицейлер апаттың себебін тергеу барысында анықтайды. Оқиға жүргізушілердің жөнделіп жатқан жол учаскесін көрмей қалуынан болуы мүмкін.

Дегенмен "ҚазАвтожол" жолдың жөндеуден өтіп жатқаны туралы ескертетін барлық қажетті белгілер орнатылды дейді.
 

Оқи отырыңыз

загрузка...

Соңғы жаңалықтар

Қызықты материалдар