Сандық пен кіржуатын машинаның ішіне тығылып шекарадан өтпек болған қытайлықтар ұсталды

АҚШ Шекара қызметінің қызметкерлері мемлекет территориясына кіріп кету үшін әртүрлі жиһаздарға тығылған Қытай елінің 11 азаматын ұстады. Бұл туралы ведомствоның Twitter-дегі парақшасында хабарланды, деп хабарлайды Skifnews.kz ақпарат порталы Baq.kz-ке сілтеме жасап.

Америкалық шекарашылар Калифорния штаты Сан-Диего қаласына Мексика жақтан келе жатқан фураны тоқтатқан.

Автокөліктің ішінде әртүрлі жиһазға жасырынған 11 қытайлық мигрант табылды. Мигранттар сандыққа, комодқа, тіпті кіржуғыш машинаға жасырынған көрінеді, - делінген хабарламада.

Айтпақшы, қытайлық жолаушылардың ешқайсысы да зардап шекпеген.

42 жастағы АҚШ азаматы фураның жүргізушісі болып шықты.