Оқиғалар 08.02.2020 сағат 07:50

Танысының атынан онлайн несие рәсімдеген алаяқ ұсталды

Қазіргі таңда алаяқтық фактісі бойынша Қылмыстық кодекстің 190-бабы 2-бөлігі 4-тармағына (Ақпараттық жүйені пайдаланушыны алдау немесе сенімін теріс пайдалану) сәйкес сотқа дейінгі тергеу жүргізілуде.
Танысының атынан онлайн несие рәсімдеген алаяқ ұсталды
Бөлісу
Бөлісу
Бөлісу

Шығыс Қазақстан облысы жедел уәкілдері онлайн -“аферистті” құрықтады,-деп хабарлайды Polisia.kz.

Полиция департаменті жедел қызметінің қызметкерлері онлайн-несиемен адамдарды алдап жүрген алаяқты анықтап, ұстады.

Ағымдағы жылдың қаңтар айының соңында бірнеше тұрғын алаяқтардың құрбаны болды. Өскемендіктердің айтуынша, кредиттік қарыздарды өтеу туралы смс-хабарламалар келген. Бірақ несие ресімдемеген тұрғындар, қаржылық ауыртпалықтарды өз мойнына алудан бас тартқан.

Тәртіп сақшылары облыс тұрғындарын үш рет алдаған Алматы облысының 23 жастағы тұрғынын анықтады. Жалпы соммасы 100 000 теңге көлемінде шығын келтірген.

“Тергеу барысында күдіктінің жәбірленушімен таныс болғаны анықталды. Заңсыз ақша табу мақсатында ер адам сенімге кіргеннен кейін жеке куәлікке қол жеткізді.Сауалнамалық мәліметтер мен өз құрбандарының құжаттарының көшірмелерін шағын қаржы ұйымдарына беріп, онлайн – несие ресімдеген”, – деп мәлімдеді полиция департаменті бастығының орынбасары Талғат Шаяхметов.

Қазіргі таңда алаяқтық фактісі бойынша Қылмыстық кодекстің 190-бабы 2-бөлігі 4-тармағына (Ақпараттық жүйені пайдаланушыны алдау немесе сенімін теріс пайдалану) сәйкес сотқа дейінгі тергеу жүргізілуде.

“Қазіргі заманғы технологиялармен байланысты қылмыстар бойынша тергеу ІІД басшылығының ерекше бақылауында. Алаяқтықтың алдын алу мақсатында қазақстандықтарды мұқият әрі қырағы болуға, жеке мәліметтерді үшінші тұлғаларға жібермеуге шақырамыз”,- деп қорытындылады Талғат Шаяхметов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар