Оқиғалар 22.02.2020 сағат 09:45

1 келі 200 грамм шаш: тараздық дәрігерлер сирек кездесетін жағдайдың куәсі болды

Дәрігерлердің айтуынша, мұндай мөлшердегі қалдық кемі бес-алты жылда жиналуы мүмкін.
1 келі  200 грамм шаш: тараздық дәрігерлер сирек кездесетін жағдайдың куәсі болды
Фото: Stan.kz
Бөлісу
Бөлісу
Бөлісу

Тараздық дәрігерлер сирек жағдайдың куәсі болды. Олар 13 жастағы қыздың асқазанына ота жасап, салмағы 1 келі 200 грамм болатын нығыздалған шашты алып шықты. Қазір науқастың жағдайы жақсы. Дегенмен ол, ауруханада ем қабылдап жатыр, деп хабарлайды Skifnews.kz ақпарат порталы, КТК арнасына сілтеме жасап.

Жасөспірім бірнеше аптадан бері асқа тәбеті болмаған. Ұдайы іші аурыратын оқушы соңғы күндері мүлдем нәр татпай, әбден жүдеп кеткен. Ақыры амалсыз ауруханаға қаралуға келіпті.

Жан-жақты тексеруден кейін оның асқазанында әлдебір заттың кептеліп тұрғаны анықталған. Науқасқа дереу ота жасалып, асқазанынан ұзындығы 40 см, салмағы бір келіден асатын нығыздалған шашты алып шыққан.

Дәрігерлердің айтуынша, мұндай мөлшердегі қалдық кемі бес-алты жылда жиналуы мүмкін. Дәл осындай жағдай осыдан бес жыл бұрын тіркелген. Ол кезде 11 жастағы қыздың асқазаны шашқа толып қалған еді.

"Бұл – баланың кішкентай кезінен қалыптасқан әдеті. Тырнағын тістейді. Кейбір балалар шашын ауызына салып жүреді. Сол әдетпен қалыптасады. Ол нақты бір паталогия емес", - дейді Жамбыл облыстық балалар ауруханасының бөлім меңгерушіс Мәулім Кенжалы.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар