Атыраудың 138 шетелдік азамат заңсыз жұмыс істейтін кәсіпорнында төбелес болды

Атырауда шетелдіктер жұмыс істейтін кәсіпорында төбелес болды. Бұл туралы Ішкі істер министрінің бірінші орынбасары Марат Қожаев айтты, деп хабарлайды Skifnews.kz ақпарат порталы, Tengrinews.kz-ке сілтеме жасап.

«Таяуда Атыраудағы кәсіпорындардың бірінде төбелес болды. Онда қылмыс болмаса, 300-ден астам шетелдіктің жұмыс істеп жүргенін білмес пе едік? Бір ЖШС-ында Түркия, Әзірбайжан, Өзбекстан, Қырғызстан елдерінің азаматтары жұмыс істейді екен», - деді Марат Қожаев.

Тергеу барысында, олардың 138-інің заңсыз жұмыс істейтіні анықталған.

Тағы оқи отырыңыз: «Маргиналдар азаяды»: Зағипа Балиева ұлдарды бірінші сыныптан бастап әскер етуді ұсынды

«Бірнеше адам сөзге келіп қалған. Бұл жағдай болмағанда, ол кәсіпорынды тексеруге бармас та едік. Төбелестің мән-жайын анықтау барысында 138 шетелдіктің заңсыз жұмыс істеп жүргені белгілі болды. Олар еңбек мигранттары ретінде рәсімделмеген. Шетелдіктер біздің елге басқа мақсатпен келген. Бірақ, ЖШС көші-қон заңнамасын бұзып отыр», - деді ІІМ өкілі.