Оқиғалар 05.03.2020 сағат 11:00

Петропавлда үйден шыққан өрт ағалы-інілі 2 азаматтың өмірін қиды

Тілсіз жауды ауыздықтауға жеке құрамның 13 адамы мен үш техника жұмылдырылды.
Петропавлда үйден шыққан өрт ағалы-інілі 2 азаматтың өмірін қиды
Фото: Ак Жайык - Azh.kz
Бөлісу
Бөлісу
Бөлісу

Петропавлда барақ типті үй жанып кетті, өрт сөндірушілер екі адамның мәйітін тапқан, деп хабарлайды Skifnews.kz ақпарат порталы СҚО төтенше жағдайлар департаментінің баспасөз қызметіне сілтеме жасап.

"4 наурызда сағат 00:55-те өрт сөндіру қызметіне Жұмысшылар кентінде барақ типті төрт пәтерлі үй жанып жатқаны туралы хабар түсті", - деп мәлімдеді ТЖД-дан.

Өрт сөндірушілер оқиға орнына жеткен кезде, қызыл жалын үйді толығымен шарпыған. Үйден он адам, соның ішінде екі бала эвакуацияланды, екі газ баллоны шығарылды. Өртті сөндіру кезінде 1974 және 1978 жылғы екі ер адамның денесі табылды. Олар ағалы-інілі болған.

"Өртке тұтанған сіріңке немесе темекі тұқылы себеп болуы мүмкін", - деді департаменттен.

Өрт шамамен жарты сағаттан кейін сөндірілді. Тілсіз жауды ауыздықтауға жеке құрамның 13 адамы мен үш техника жұмылдырылды.

Жыл басынан бері облыс аумағында 77 өрт тіркелді, оның 58-і тұрғын үй секторынан шыққан. 11 адам көз жұмды, оның ішінде екі бала бар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар