Оқиғалар 14.03.2020 сағат 01:22

Әмиянынан ақша ұрланғанын білген келін қайын апасының үстінен арызданды

Куәгерлерден жауап алып, оқиға орнын мұқият тексерді.
Әмиянынан ақша ұрланғанын білген келін қайын апасының үстінен арызданды
Фото: ernur.kz
Бөлісу
Бөлісу
Бөлісу

Түркістан өңірінде келінінің әмиянынан ақша ұрлаған әйел ұсталды, деп жазады polisia.kz.

Қазығұрт аудандық полиция бөлімшесінің кезекші бөліміне Нұр-Сұлтан қаласының тұрғыны арызданды. Жәбірленушінің айтуынша, ол Қазығұрттағы қайын әпкесінің үйіне қыдырып барып, үйден шығарда әмиянын кіреберістегі кір жуатын машинаның үстіне қалдырып кеткен.

Жарты жолда есіне түсіп қайтып келгенде әмиян ішіндегі 90 000 теңге түгел болмай шығады. Санап келгенде 75 000 теңгенің жоқ екенін көреді.

Іс сотқа дейінгі тергеп-тексерудің бірыңғай тізіліміне енгізіліп, ҚР Қылмыстық Кодексінің 188-бабы — “Ұрлық” бойынша тіркелді. Осы іс бойынша учаскелік полиция инспекторлары жедел-іздестіру жұмыстарын жүргізді.

Куәгерлерден жауап алып, оқиға орнын мұқият тексерді. Полицейлер сөйтіп ақшаны алған жәбірленушінің қайын апасы, яғни үй иесі екенін анықтады.

Тергеу барысында күдікті өз ісін толық мойындап, ұрлықты қалай жасағанын білмей қалдым депті. Іс сотқа жолданды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар