Оқиғалар 18.04.2020 сағат 17:17

Елордалық тұрғын полицейді баспен бір-ақ ұрған (ВИДЕО)

Бұл бапта 7 жылдан 12 жылға дейін бас бостандығынан айыру жазасы көзделген.
Бөлісу
Бөлісу
Бөлісу

Елордада ТЖ жағдайында полиция қызметкеріне қарсылық көрсеткен тұрғын ұсталды, деп хабарлайды ҚазАқпарат, қалалық департаментке сілтеме жасап.

 «Полиция департаменті соңғы кездері полицейлерге қол көтеру оқиғаларының жиілеп кеткенін хабарлайды. 17 сәуірде 30 жастағы ер адам карантин режимін бұзып, мектеп аумағындағы спорттық алаңда жаттыққан. Полицияның алаңнан кету туралы талабын елемей, қызметкерлерді баспен соққан», - делінген департаменттің хабарламасында. 

Заңбұзушы «Алматы» аудандық полиция басқармасына жеткізілген және ҚР Қылмыстық Кодексінің 380-бабы (Билік өкіліне қатысты зорлық-зомбылық) бойынша қылмыстық іс қозғалды. Бұл бапта 7 жылдан 12 жылға дейін бас бостандығынан айыру жазасы көзделген. 

«Ер адам Нұр-Сұлтан қалалық Полиция департаментінің уақытша оқшаулағышына қамалды. Қазіргі уақытта полиция қызметкерлеріне жәбір көрсету, зорлық-зомбылық фактілері бойынша қылмыстық істе тараптардың мәмілеге келуі практикасы алынып тасталғанын еске саламыз», - дейді департамент. Полиция департаменті азаматтарға карантин режимін қатаң ұстануды және полиция қызметкерлерінің заңды талаптарына түсіністікпен қарауды сұрайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар