Оқиғалар 20.05.2020 сағат 23:50

Ақтөбеде тек «iPhone» телефонын алып қашып жүрген күдікті ұсталды

Қазір күдіктіге қатысты 6 арыз келіп түсті. Ол бұрын бірнеше рет сотталған. Тергеу изоляторына қамалды.
Ақтөбеде тек «iPhone» телефонын алып қашып жүрген күдікті ұсталды
фото: arnapress.kz
Бөлісу
Бөлісу
Бөлісу

Ақтөбе қаласының тұрғыны адамдарды «iPhone» маркалы ұялы телефонын сатып аламын деп жалдамалы пәтерге шақырып, қолына телефон түскеннен кейін қашып кетіп отырған, деп хабарлайды Skifnews.kz ақпарат порталы, облыстық ПД баспасөз қызметіне сілтеме жасап.

Ол медициналық маска киіп, бет-әлпетін жасырған. Полиция іздеу шарасы кезінде 34 жастағы қала тұрғынын ұстады.

«Ол төтенше жағдай режимін пайдаланып, Әлия Молдағұлова даңғылындағы пәтерді бір тәулікке жалға алған. Содан кейін «іPhone» маркалы ұялы телефонын сатуға шығарған адаммен байланысып, пәтерге шақырды. Оны ас үйге кіргізіп, телефонды әйеліне көрсетемін деген сылтаумен пәтерден шығып, қашып кеткен. Шығын 705 мың теңгені құрады.

Тағы бірде 21 жастағы ақтөбелікті алдады. Алаяқ медициналық маскамен жасырынып, «Батыс-2» шағын ауданында пәтер жалдаған. Дәл осы жолмен телефонды алып қашты. Шығын – 365 мың теңге...

Қазір күдіктіге қатысты 6 арыз келіп түсті. Ол бұрын бірнеше рет сотталған. Тергеу изоляторына қамалды.

Аталған фактілер бойынша ҚК-нің 190-бабы 3-бөлімі бойынша сотқа дейінгі тергеу басталды. Облыстық Полиция департаменті осы алаяқтың қолынан зардап шеккен ақтөбеліктердің 87053807750, 102 телефондарына хабарласуын немесе №1 қалалық полиция бөлімінің кезекші бөліміне өтініш білдіруді сұрайды», - дейді облыстық ПД баспасөз қызметінің жетекшісі Ерболат Сарқұлов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар