6 мамырда Атырау-Астрахан трассасының 185-шақырымында КамАЗ әскери көлігі мен Исатай аудандық ауруханасының жедел жәрдем көлігі соқтығысқан. Нәтижесінде жедел жәрдем көлігінің ішіндегі адамдардың бәрі - жүргізуші мен екі дәрігер қайтыс болды, деп хабарлайды azh.kz-ге сілтеме жасаған Skifnews.kz ақпарат порталы.
42 жастағы медбике оқиға орнында көз жұмды, ал екінші дәрігер мен жедел жәрдем жүргізушісі облыстық аурухананың жансақтау бөлімінде қайтыс болды.
ҚР ІІМ Батыс өңірлік әскери-тергеу басқармасының мәліметі бойынша, жүк көлігінің рөлінде Маңғыстау облысынан шақырылған шекарашы - 20 жастағы шұғыл қызмет сарбазы болған. Тергеудің негізгі нұсқасы бойынша, ол көлік рөліне ие бола алмай, қарсы жолаққа шығып кеткен.
Қозғалған қылмыстық іс аясында әскери тергеушілер апатқа куәгерлер болса, +7 (7122) 46-08-65, +7 (775) 535-18-20 телефондарына хабарласуды сұрайды.
"АЖ" сайтында жарияланғаннан кейін облыстық жедел медициналық жәрдем станциясы бұл олардың көлігі емес, Исатай аудандық санитариялық дәрігерлік амбулаторияның көлігі екенін нақтылауды өтінді.