Оқиғалар 01.06.2020 сағат 09:20

Ақтауда көлік ұрлаған бойжеткен жол апатына түсті

Ол жолдың жиегіне шығып кетіп, аударылды.
Ақтауда көлік ұрлаған бойжеткен жол апатына түсті
фото: 24.kz
Бөлісу
Бөлісу
Бөлісу

Оқиға куәгерлерінің айтуынша, бойжеткен қаладағы көлік жуу орындарының бірінде онда келушілермен бірге демалып жүрген. Бір кезде ол біреудің көлігіне мініп алып, оны айдап әкетті. Одан кейін жол-көлік апатына түсіп қалған, деп хабарлайды ҚазАқпарат, Лада-ға сілтеме жасап.

 Ведомстводан хабарлағандай, сағат 06:00-де кезекшінің пультіне қаланың 33-ші шағынауданында жол талғамайтын көліктің апатқа ұшырағаны туралы хабарлама келіп түскен.

 «Оқиға орнына шұғыл түрде Ақтау полиция басқармасының патрульдік полиция батальонының қызметкерлері шықты. Көлікті басқарған бойжеткеннің мас болғаны анықталды. Ол жолдың жиегіне шығып кетіп, аударылды. Көлік айыппұл тұрағына қойылды», - деп атап өтті Маңғыстау облыстық полиция департаментінен. 

Бұзақыға қатысты ҚР Әкімшілік құқық бұзушылық туралы кодекстің 608-бабы (көлік құралын алкогольдік, есірткілік немесе уытқұмарлық масаң күйде басқару) және 610-бабы (көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы) бойынша хаттама толтырылды. Оқиғаның мән-жайы анықталу үстінде.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар